مشكلة عضوة تخلت عن اولادها للزواج
مشكلة عضوة تخلت عن اولادها للزواج
مشكلة عضوة
انا من 15 سنه اطلقت وتنازلت عن اولادي لابوهم علشان يربيهم ويصرف عليهم لاني انا مكنتش
هقدر على مصاريفهم وكان في واحد متقدملي بس مكنش عاوزني باالاود فعرضت على طليقي قالي
انا هاخدهم وحتى لو عاوزه تنسيهم علشان ميعملوش ليكي مشاكل مع جوزك انسيهم خالص ومتشيليش هم
وفعلا تزوجت من انسان مقتدر مالياً ومحترم جدا
ومن اسبوع اتصلت على بنتي لاني عرفت من الناس انها انخطبت عشان ابارك لها واسألها عن العريس
وباقي التفاصيل ردت عليا رد جاف ولو سألتها سؤال ترد باختصار على قد الكلمه طبعا اسلوبها معايا ضايقني
ونرفزني ورفعت صوتي عليها وقلتلها انا امك قالت امي ازاي وانتي سيباني طول عمري وجايه دلوقتي تكلميني
بس عشان هتجوز وتقولي للناس ان بنتك هنتجوز وتاخدي الواجب والنقطة من الناس قلت لها عيب الكلام ده ردت عليا
وقالتلي
انا مش عاوزه اشوفك ولا عاوزه مساعدتك في زواجي لو سمحتي ولو شوفتك هطردك قدام الناس وقفلت في وشي السكه و اتصلت على اخوها مرديش يرد
عليا في الاخر اتصلت على ابوهم ووعدني انه يكملهم و يحل الموضوع وبعد يومين بعتلي لي رساله
يقولي ارجوك متخربيش على بنتي وتبوظي فرحتها واخرجي من حياتها وعملي حظر وبلوك وهما كمان
و حالتي النفسية سيئة جدا
دلوقتي ايه الحل معاهم اروحلهم اترجاهم ولا اعمل ايه انا مقهوره ان بنتي هنتجوز ومش عاوزاني معاها ومش متخيله اليوم اللي
هيقوللي فيه انهارده فرح بنتك وانا مكنش موجوده معاها قولولي اتصرف ازاي